اسلام آباد: وفاقی وزیر تعلیم شفقت محمود نے عالمی وبا قرار دیے جانے والے کورونا وائرس کے پیش نظر تعلیمی اداروں کو کھولنے سے متعلق فیصلہ کرنے کے لیے وزرائے تعلیم و صحت کا اجلاس کل طلب کیا ہے۔
سماجی رابطے کی ویب سائٹ پر ٹوئٹ کرتے ہوئے شفقت محمود نے کہا کہ خواہش ہے کہ تعلیمی ادارے کھلیں لیکن طلبہ کی صحت اولین ترجیح ہے ،اسکول کھولیں یا نہیں اس کا فیصلہ کل کیا جائے گا۔
Education and Health Ministers meeting again tomorrow to review the coronavirus situation before students start coming to school. While I desperately want education to continue the final decision will be on health grounds. Students well being will always be a priority
— Shafqat Mahmood (@Shafqat_Mahmood) January 14, 2021
خیال رہے کہ لاہور ہائیکورٹ میں تعلیمی ادارے کھولنے کا فیصلہ چلینج کیا ہے، جس میں درخواست گزار نے کہا کہ کورونا وائرس کی دوسری لہر زیادہ خطر ناک ہے اورعالمی وبا کے کیسز میں تیزی سے اضافہ ہورہاہے، تعلیمی ادارے کھلنے کے بعد وبا مزید پھیل سکتی ہے، آن لائن امتحانات ہی لیے جائیں۔
واضح رہے کہ ملک میں ابھی یومیہ 3ہزارسے زائد افراد کورونا وائرس کی وبا کا شکار ہورہے ہیں، عالمی ادارہ صحت نے جاپان میں ایک نئی وائرس کا انکشاف کیا ہے جو گزشتہ وائرس کے مقابلے میں زیادہ خطر ناک ہے۔