مچھ واقعے کیخلاف کندھ کوٹ میں دھرنا، حافظ نصراللہ کی شرکت

209

کندھ کوٹ(نامہ نگار) جماعت اسلامی سندھ کے نائب امیر حافظ نصراللہ عزیز نے مچھ واقعے کے خلاف کندھ کوٹ میں احتجاجی مظاہرے میں شرکت کے موقع پرخطاب و میڈیا سے بات چیت کرتے ہوئے کہاہے کہ عمرانی حکومت شہریوں کی جان ومال ،عزت و آبرو کی حفاظت اور امن وامان کے قیام میں مکمل ناکام ثابت ہوئی ہے۔ کان کنوں کے بے دردی سے قتل اورکئی دنوں سے لواحقین کے احتجاج پرحکومت کا خاموش تماشائی کردار بے حسی کی انتہا ہے۔جماعت اسلامی ہزارہ برادری کے دکھ میں برابر کے شریک ہے اورقاتلوں کو عبرت ناک سزا کا مطالبہ کرتے ہیں۔اس موقع پر امیرضلع کشمور آغا عبدالفتاح پٹھان ایڈووکیٹ سمیت دیگر مقامی رہنما بھی ان کے ساتھ تھے۔