پیرس (انٹرنیشنل ڈیسک) فرانسیسی پولیس نے ملک میں کورونا وائرس سے متعلق پابندیوں کے دوران شمال مغربی علاقے میں جاری ایک بڑی پارٹی بند کرادی۔ حکام کا کہنا ہے کہ تقریباً ڈھائی ہزار افراد نے رینیز کے قریب لیورون میں غیر استعمال شدہ گودام میں ہفتے کے روز ریو پارٹی میں شرکت کی تھی، جہاں کارروائی کے وقت کچھ لوگوں اور پولیس کے مابین جھڑپ بھی ہوئی۔ وزیر داخلہ جیرالڈ ڈارامنین نے ٹوئٹر پر جاری بیان میں بتایا کہ جرم کا ارتکاب کرنے والوں کو جرمانہ عائد کیا گیا جب کہ پارٹی کے منتظمین کی شناخت کی جارہی ہے، جس کے بعد ان کے خلاف قانونی کارروائی کی جائے گی۔
