عبدالحفیظ شیخ سے چیئر پرسن پے اور پنشن کمیٹی کی ملاقات

275
اسلام آباد: وفاقی وزیر خزانہ ڈاکٹر عبدالحفیظ شیخ سے پنشن کمیشن کی چیئرپرسن نرگس سیٹھی ملاقات کررہی ہیں

اسلام آباد (آن لائن) وزیر خزانہ ڈاکٹر عبدالحفیظ شیخ سے پے اور پنشن کمیٹی کی چیئر پرسن نرگس سیٹھی نے ملاقات کی۔ چیئرپرسن نرگس سیٹھی نے وزیر خزانہ کو تنخواہوں اور پنشن کمیشن کے امور کار پر بریفنگ دی۔چیئرپرسن نے تنخواہوں اور پنشن میں فرق اور اس کے قومی خزانے پر اثرات بارے آگاہ کیا۔ وزیر خزانہ نے سرکاری ملازمین کے لیے مالی طور پر قابل عمل حل تلاش کرنے پر زور دیا۔ وزیر خزانہ نے ملازمین کی موجودہ تنخواہ اور پنشن میکانزم، الاؤنسز اور مونیٹائزیشن کے امکانات کا جائزہ لینے کی اہمیت پر بھی زور دیا۔ ملاقات میں منصفانہ اور شفافیت کے اصولوں پر مبنی تنخواہ اور پنشن کے مروجہ نظام کو ہموار کرنے کے عزم کا بھی اعادہ کیا گیا۔