جاپان میں تبدیل شدہ کرونا وائرس کے پہلے کیس کی تصدیق کے بعد ٹوکیو حکومت نے ملک میں غیر ملکیوں کے داخلے پر پابندی لگا دی ہے۔
جاپان میں نئی پابندی کے نتیجے میں آئندہ برس جنوری کے اختتام تک تمام غیر ملکی شہریوں کا جاپان میں داخلہ ممنوع ہوگا۔
جاپانی حکام کے مطابق کم از کم 8مریضوں میں کرونا وائرس کی اس نئی قسم کی تشخیص ہوئی ہے۔ ان مریضوں میں سے 4 کو اسپتال منتقل کیا گیا ہے جبکہ دیگر 4 افراد کو قرنطینہ میں رکھا جارہا ہے۔
برطانیہ میں حال ہی میں جینیاتی طور پر تبدیل شدہ کرونا وائرس ہوا تھا۔ برطانیہ کے بعد اب تک اس تبدیل شدہ وائرس کی جاپان، فرانس، جرمنی، پاکستان، بھارت، آسٹریلیا، کینیڈا، جنوبی افریقہ اور سنگاپور میں تشخیص ہوچکی ہے۔