لوئر دیر سے منتخب تحریک انصاف کے ممبر صوبائی اسمبلی لیاقت علی، مالا کنڈ یونیورسٹی میں بی اے کے سالانہ امتحان میں نقل کرتے ہوئے پکڑے گئے.یونیورسٹی ترجمان کے مطابق لیاقت علی گزشتہ ماہ بی اے کے مضمون مطالعہ پاکستان میں نقل کرتے ہوئے پائے گئے تھے ،جس کے بعد یونیورسٹی انتظامیہ نے اس معاملے پر ایک کمیٹی قائم کرتے ہوئے لیاقت علی کے امتحانی نتائج کو روک لیا ،کمیٹی نے ان کے اس عمل پر وضاحت بھی طلب کی ہے.
واضح رہے کہ لیاقت علی نے 2018 کے الیکشن میں خیبر پختونخواہ کے حلقے پی کے 17 سے ایم ایم ایم کے امیدوار سعید گل کے خلاف بھاری اکثریت سے کامیابی حاصل کی تھی.