پیٹرولیم ڈویژن نے پاکستان ایل این جی ٹرمینل لمیٹڈ کے ایم ڈی ندیم نذیر کو عہدے سے ہٹا دیا۔
ترجمان پیٹرولیم ڈیژن کا کہنا ہے کہ ایل این جی ٹرمینل لمیٹڈ کے ایم ڈی کو ایل این جی سپلائرز کو اضافی ادائیگیوں کے الزام پر ہٹایا۔
ترجمان کے مطابق معاملے پر تحقیقات کے لیے تین رکنی تحقیقاتی کمیٹی نے کام شروع کر دیا ہے۔ پیٹرولیم ڈویژن کی ذیلی کمپنی جی ایچ پی ایل کے سی ای او مسعود نبی کمیٹی کے سربراہ ہیں۔
ترجمان کا کہنا ہے کہ مسعود نبی کو ہی پاکستان ایل این جی ٹرمینل لمیٹڈ کا اضافی چارج بھی دیا گیا ہے۔ کتنی اضافی ادائیگیاں کی گئیں اصل رقم تحقیقات کے بعد سامنے آئے گی۔