فواد چوہدری کا ڈاکٹر بننے کے خواہشمند طلبا کو مشورہ

329

اسلام آباد: وفاقی وزیر سائنس اینڈ ٹیکنالوجی فواد چوہدری نے میڈیکل کالج میں داخلے کے خواہشمند طلبا کو مشورہ دے دیا۔

سماجی رابطے کی ویب سائٹ ٹوئٹر پر ٹوئٹ کرتے ہوئے فواد چوہدری نے کہا کہ جو طلبا میڈیکل کالج میں داخلے کی خواہش رکھتے ہیں ان کے لیے مشورہ ہے کہ وہ داخلہ نہ لیں۔

وفاقی وزیر نے کہا کہ میڈیکل کالج میں داخلے کے لیے بے قرار طلبا کو چاہیے کہ وہ بائیوٹیک کا پیشہ اختیار کریں۔

انہوں نے کہا کہ 15 سال بعد ڈاکٹرز کا پیشہ ختم ہونا شروع ہوجائے گا اور اس کی جگہ بائیو ٹیک لےگا۔

فواد چوہدری نے مزید کہا کہ میڈیسن اور میڈیکل کے دیگر شعبوں کا مستقبل بائیوٹیک ہے۔