حکومت کا والدین کے تحفظ کیلئے آرڈیننس لانے کا فیصلہ

340

اسلام آباد: وفاقی حکومت کا والدین کے تحفظ کیلئے اچھا اقدام، حکومت نے والدین کے حقوق کے تحفظ کے لیے آرڈیننس لانے کا فیصلہ کیا ہے جس کے تحت اولاد اپنے والدین کو گھروں سے بے دخل نہیں کرسکیں گے۔

نجی ٹی وی کی رپورٹ کے مطابق والدین کے حقوق کے تحفظ کے لیے آرڈیننس لانے کی وزیر اعظم نے منظوری دے دی ہے جب کہ وزیر قانون فروغ نسیم کو مسودہ جلد تیار کرنے کی ہدایت بھی کردی گئی ہے۔

وزارت قانون و انصاف کے ترجمان کے مطابق والدین کے حقوق کے تحفظ سے متعلق آرڈیننس کے مسودے کے مطابق بچے ذاتی ملکیتی مکان سے بھی والدین کو بے دخل نہیں کرسکیں گے۔

مجوزہ مسودے کے مطابق والد ملکیتی مکان سے بچوں، ان کی بیویوں کو بےدخل نہیں کر سکے گا، والد کو 10 روز میں آسان طریقہ کار اختیار کرکے بچوں کو بے دخل کرنے کا اختیار ہو گا۔