فخرزمان کی کورونارپورٹ آگئی

196

قومی ٹیم کے اوپنر فخرزمان کا کورونا ٹیسٹ منفی آگیا۔

اتوار کے روز فخر زمان کو بخار کی علامات ظاہر ہونےپرٹیم ڈاکٹر کی جانب سے متعدد مرتبہ چک اپ کے باوجود ان کے بخار میں کمی نہیں آئی، جس کے بعد ٹیم منیجمنٹ نے فیصلہ کیا ہے کہ اسکواڈ میں شامل دیگر کھلاڑیوں اور اسپورٹ اسٹاف کی صحت اور حفاظت کے پیش نظر فخر زمان دورہ نیوزی لینڈ کیلئے قومی اسکواڈ کے ہمراہ 23 نومبر کی صبح روانہ نہیں کریں گے۔

پی سی بی کے مطابق بخار کی علامت ظاہر ہونے کے بعد فخر زمان کو مکمل طور پر آئسولیٹ کیا گیا اس حوالے سے پی سی بی کا میڈیکل پینل فخر زمان سے مسلسل رابطے میں ہے اور وہ ان کی مکمل صحت یابی تک ان سے رابطے میں رہے گا۔

دورہ نیوزی لینڈ کیلئے اعلان کردہ قومی اسکواڈ میں شامل ٹیم ڈاکٹر اور پی سی بی میڈیکل پینل کے سربراہ ڈاکٹر سہیل سلیم کا کہنا ہے کہ 21 نومبر کو اسکواڈ کے دیگر ارکان کے ہمراہ فخر زمان کے لئے گئے کورنا ٹیسٹ کی رپورٹ منفی آئی تھی تاہم 22 نومبر کو ان میں تیز بخار کی علامت ظاہر ہوئیں۔

بخارکے باعث فخر زمان نیوزی لینڈ جانے والے اسکواڈ کا حصہ نہیں تھے اور ٹیم آج صبح کیویز کے دیس پہنچ چکی ہے۔ فخرزمان کاکورونا ٹیسٹ کیا گیا جس کی رپورٹ آج موصول ہوئی ہے۔ کرکٹر کا کورونا ٹیسٹ منفی آیا ہے۔