اسلام آباد:وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ تحریک لبیک پاکستان نے لاہور کو کورونا ٹائم بم بنانے میں کسر نہیں چھوڑی۔
سماجی رابطے کی ویب سائٹ پر ٹوئٹ کرتے ہوئے فواد چوہدری نے کہاکہ اپوزیشن کا رویہ خطرناک ہے، لوگوں کی زندگی کے ساتھ کھیلنا مذاق نہیں ہے،اب پشاور سے ملتان پیپلز پارٹی اور ن لیگ حشر بپا کریں گی۔
اپوزیشن کا رویہ خطرناک ہے، لوگوں کی زندگی کے ساتھ کھیلنا مذاق نہیں تحریک لبیک نے بھی پورے لاہور کو کرونا کا ٹائم بم بنانے میں کوئ کثر نہیں چھوڑی اور اب پشاور سے ملتان پیپلز پارٹی اور نون لیگ حشر بپا کریں گی۔ https://t.co/lgA4mRldTc
— Ch Fawad Hussain (@fawadchaudhry) November 21, 2020
انہوں نے مزید کہاکہ کورونا وائرس ایک خطرناک بیماری ہے ، جس سے بچنے کے لیے ضروری ہے کہ عوام گھر سے بلاضرورت باہر نہ نکلے، کورونا سے محفوظ رہنے کے لیے سماجی فاصلہ کا خاص خیال رکھا جائے۔
