قائد اعظم ٹرافی فرسٹ الیون، بلوچستان نے 297رنز بنالیے

297

کراچی(اسٹاف رپورٹر)نیشنل اسٹیڈیم کراچی میں جاری میچ کے پہلے روز بلوچستان نے 6 وکٹوں کے نقصان پر 297 رنز بنالیے ہیں۔ سدرن پنجاب نے نو ٹاس قانون کے تحت پہلے بولنگ کرنے کا فیصلہ کیاتو اوپنر سمیع اسلم بغیر کوئی رنز بنائے آؤٹ ہوئے تو جس کے بعد عمران فرحت اور عمران بٹ نے دوسری وکٹ کے لیے 200 رنز کی شاندار شراکت قائم کی۔ عمران فرحت 100 رنز بناکر ریٹائرڈ ہوگئے۔ عمران بٹ نے 92 رنز بنائے۔ دونوں کھلاڑیوں کے پویلین واپس لوٹنے پر سدرن پنجاب نے اٹیکنگ باؤلنگ کا آغاز کردیا اور عبدالرحمان مزمل اور بسم اللہ خان کو کھاتہ کھولے بغیر آؤٹ ہوگئے۔کپتان یاسر شاہ 4 رنز بناکر کریز پر موجود ہیں۔سدرن پنجاب کے محمد الیاس اور زاہد محمود نے 2،2 وکٹیں حاصل کرچکے ہیں۔این بی پی اسپورٹس کمپلیکس کراچی میں جاری میچ کا پہلا روز بولرز کے نام رہا، جہاں کْل 13 وکٹیں گریں۔دن کے اختتام پر ناردرن نے اپنی پہلی اننگز میں سنٹرل پنجاب کے 159 رنز کے جواب میں 3 وکٹوں کے نقصان پر 116 رنز بنالیے ہیں۔ ناردرن کو پہلی اننگز میں سبقت کے لیے ابھی مزید 44 رنز درکارہیں۔ اس سے قبل ناردرن نے ٹاس کیے بغیر پہلے بولنگ کا فیصلہ کیا توناردرن کے کپتان نعمان علی کی عمدہ بولنگ کی بدولت سنٹرل پنجاب کی پوری ٹیم 159 رنز پر ڈھیر ہوگئی۔ اسپنر نعمان علی نے 55 رنز کے عوض 4 جبکہ رضا حسن نے 3 اور وقاص احمد نے 2 وکٹیں حاصل کیں۔ یو بی ایل اسپورٹس کمپلیکس کراچی میں جاری میچ کے پہلے روز سندھ نے ٹاس جیت کر پہلے بیٹنگ کرتے ہوئے 6 وکٹوں کے نقصان پر 245 رنز بنالیے ہیں۔ سرفراز احمد 68 اور سہیل خان 7 کے انفرادی اسکور سے میچ کے دوسرے روز کا آغاز کریں گے۔ اس سے قبل 100 کے مجموعے پر سندھ کی ابتدائی چار وکٹیں گریں تو فواد عالم نے کپتان سرفراز احمد کے ہمراہ پانچویں وکٹ کے لیے 119 رنز جوڑ کر ٹیم کا مجموعہ 200 کے پار پہنچا دیا۔ 219 کے مجموعی اسکور پر فواد عالم 91 رنز بناکررن آؤٹ ہوگئے۔