راولپنڈی :سیکیورٹی فورسزنے جنوبی بلوچستان میں دہشت گردی کی کوشش ناکام بنادی، آپریشن کے دوران سیکیورٹی فورسزاورشہریوں کو نشانہ بنانے والا دہشتگرد ہلاک ہوگیا۔
پاک فوج کی ترجمان آئی ایس پی آرکے مطابق سیکیورٹی فورسزکی خفیہ معلومات کی بنیاد پرضلع کیچ میں کارروائی کی، فائرنگ کے تبادمیں ایک جوان زخمی ہوا ، جس کو فوری طبی امداد کے لیے قریبی اسپتال منتقل کردیا گیا۔
آئی ایس پی آر کا مزید کہنا تھا کہ کارروائی کے دوران بھاری تعداد میں اسلحہ اورگولہ بارود برآمدہوا ہے،ہلاک دہشت گرد سیکیورٹی فورسز کو کئی وارداتوں میں مطلوب تھا۔
