سعودی عرب میں فرانسیسی قونصل خانےکے گارڈ کو چاقو کے وار سے زخمی کرنے والے شخص کو گرفتار کرلیا گیا۔
سعودی نیوز ایجنسی کے مطابق پولیس ترجمان میجر محمد الغامدی نے بتایا ہے کہ فرانسیسی قونصل خانےکے گارڈکو تیز دھار آلے سے زخمی کرنےوالا شہری سعودی ہے جبکہ زخمی گارڈ کو طبی امداد کے لیے اسپتال منتقل کردیا گیا ہے۔
یاد رہے کہ فرانس کے شہر نائس میں نوٹری ڈیم چرچ میں چاقو بردار حملہ آور نے 2 خواتین سمیت 3 افراد کوقتل کردیا، حملے میں متعدد افراد زخمی بھی ہوئے۔
فرانسیسی خبررساں ادارے اے ایف پی کی جانب سے موصول اطلاعات کے مطابق چاقو بردار حملہ آور اللہ ہو اکبر کا نعرہ بلند کرتے ہوئے چرچ کے اندر داخل ہوا اور ایک خاتون کو ذبح اور دو کو چاقو کے وار سےقتل کردیا تھا۔
