پاکستان سے گہرا تعلق ہے، یہاں آنا اچھا لگتا ہے، سکندر رضا

423

اسلام آباد(نمائندہ خصوصی)زمبابوین کرکٹ ٹیم کے آل رائونڈر سکندر رضا کا کہنا ہے کہ پاکستان میں پیدا ہوا، دوست اور رشتے دار مقیم ہیں، یہاں آنا اچھا لگتا ہے۔ زمبابوے کرکٹ ٹیم کے آل رائونڈر سکندر رضا کا کہنا ہے کہ پاکستان سے گہرا تعلق ہے، یہاں دوست اور رشتے دار مقیم ہیں، دنیا کے کسی کونے میں چلا جائوں پاکستانی شہری ہی کہلائوں گا، یہاں آنا اور یہاں کی مٹی سے رشتہ اچھا لگتا ہے۔آل رائونڈر کا کہنا تھا کہ بیشتر پاکستانی کرکٹر سے میری دوستی ہے لیکن شعیب ملک سے زیادہ دوستی ہے، شعیب اختر سے متعلق سوال پر ان کا کہنا تھا کہ شعیب اختر لیجنڈ ہیں ان سے ملاقات کا ایک ہی مرتبہ موقع ملا جس کو اپنے لیے اعزاز سمجھتا ہوں۔سکندر رضا کا کہنا ہے کہ کورونا کے باعث 6 ماہ تک کرکٹ نہیں کھیلی، پاکستان کے خلاف سیریز کے لیے بہت پرجوش ہوں، زمبابوین ٹیم کا ہدف ورلڈ کپ کے لیے براہ راست کوالیفائی کرنا ہے۔