قومی ٹرے ہاکی ، سندھ کی 8گول سے شاندار فتح

170

لاہور (جسارت نیوز)پاکستان ہاکی فیڈریشن کے زیر اہتمام پیر کونیشنل ٹرے ہاکی چیمپئن شپ کے تیسرے روز3 میچ کھیلے گئے۔ پہلا میچ سندھ بمقابلہ گلگت بلتستان کھیلا گیا۔ جس میں سندھ نے گلگت کو ایک کے مقابلے 9 گول سے شکست دی۔دوسرا میچ کے پی کے بمقابلہ ایچ ای سی کھیلا گیا جو 2,2 گول سے برابر رہا۔تیسرا اورآخری میچ پنجاب بمقابلہ بلوچستان کھیلا گیا جس میں پنجاب نے ایک کے مقابلے میں 5 گول سے کامیابی حاصل کی۔ میچ کے مہمان خصوصی سیکرٹری پاکستان ہاکی فیڈریشن محمد آصف باجوہ اوران کے ہمراہ ہیڈ کوچ نیشنل ٹیم خواجہ محمد جنید تھے۔ آج 2 میچ کھیلے جائیں گے۔ پہلا میچ بلوچستان بمقابلہ آزاد جموں و کشمیر، دوسرا میچ سندھ بمقابلہ ہائر ایجوکیشن کمیشن کھیلا جائے گا۔