فرانسیسی صدر ایمانوئیل میکرون کے اسلام مخالف بیانات پر اسٹار فٹبالر پال پوگبا نے قومی ٹیم چھوڑنے کے اعلان کی تردید کردی۔
غیر ملکی میڈیا رپورٹس کے مطابق پال پوگبا نے انسٹا گرام پر تردید کرتے ہوئے کہا کہ مجھے افسوس ہےکہ چند میڈیا کے اداروں نے بے بنیاد سرخیوں کے لیے میرے نام کااستعمال کیا۔
https://www.instagram.com/p/CGzneJhDINP/?utm_source=ig_web_copy_link
انہو ں نے مزید کہاکہ ہر قسم کے تشدد اور دہشت گردی کے خلاف ہیں،لیکن میں نے نہ ہی قومی ٹیم چھوڑنے کا کہاہے اور نہ ہی ایسا کوئی اراد ہ ہے، میڈیا کے ادارے خبر کی تصدیق کیے بغیر نشر کردیتے ہیں جو غیرذمہ دارانہ رویہ ہے، یہ بھی نہیں سوچتے کہ غلط خبر چلانے سے کسی کی زندگی پر کیا اثر ہوگا۔
فرانسیسی فٹبالر نے غلط خبر شائع کرنے اور اسے پھیلانے والوں کے خلاف قانونی کارروائی کا بھی اعلان کیا ہے۔
خیال رہے کہ مختلف ٹی وی چینلز نے فرانسیسی صدر ایمانوئیل میکرون کے اسلام مخالف بیانات پر مسلم اسٹار فٹبالر پال پوگبا کے قومی ٹیم چھوڑنے کا اعلان کر نے کی خبر نشر کی تھیں۔
