اساتذہ کی تنخواہوں میں ناجائز کٹوتی قبول نہیں، اشرف بروہی

323

نوابشاہ (سٹی رپورٹر) پ ٹ الف شہید بینظیر آباد کی جانب سے محکمہ ایجوکیشن کے افسران اور ٹریژری کے افسران کی جانب سے اساتذہ کی تنخواہوں میں ناجائز کٹوتی کیخلاف مولا داد گاھو، امداد خاصخیلی، اشرف بروہی، صدیق رند، سید مستان شاہ ودیگر کی قیادت میں ڈائریکٹر ایجوکیشن کے آفس کے بعد نوابشاہ پریس کلب اور ڈی سی آفس کے سامنے احتجاجی مظاہرہ کرکے دھرنا دیتے ہوئے کہا کہ کچھ سال قبل محکمہ ایجوکیشن اور محکمہ فنانس نے ایک نوٹیفکیشن کے ذریعے ان ٹرینڈ انکریمنٹ کے ڈیرھ لاکھ روپے دیے تھے جوکہ اقساط میں ہم نے ادا کر لیے ہیں لیکن محکمہ ایجوکیشن اور ٹریژری کے افسران نیب کی دھمکیاں دے کر اساتذہ کی تنخواہوں میں ناجائز کٹوتی کررہے ہیں جوکہ ہم کسی بھی صورت میں قبول نہیں کریں گے۔ دوسری جانب پبلک اکاؤنٹس کمیٹی کے چیئرمین ایم پی ای غلام قادر چانڈیو نے مظاہرین سے مذاکرات کرکے احتجاجی دھرنا ختم کرایا۔