کراچی (اسٹاف رپورٹر) پی ایچ ایف کے صدر بریگیڈیئر (ر) خالد سجاد کھوکھر نے عبد الستارایدھی ہاکی اسٹیڈیم کراچی میں پریس کانفرنس میں خطاب کرنے سے پہلے ہاکی اولمپینز اور سابق انٹرنیشنل ہاکی کھلاڑیوں سے ملاقات کی جس میںاولمپیئن حنیف خان ، اولمپین حسن سردار ، اولمپین کلیم اللہ ، اولمپین کامران اشرف ، اولمپین کاشف جواد ، اولمپئن دانش کلیم ، انٹرنیشنل صفدر عباس ، انٹرنیشنل جان محمد ، انٹرنیشنل محمد علی ، انٹرنیشنل حیدر حسین ، بین الاقوامی مبشر مختار ، رمضان جمالی سکریٹری سندھ ہاکی ایسوسی ایشن اور گلفرازخان نے شرکت کی۔ صدر پی ایچ ایف نے تمام ہاکی اولمپینز اور انٹرنیشنل ہاکی کھلاڑیوں کو قومی کھیل کی بہتری کے لئے مل کر کام کرنے کی دعوت دی۔پاکستان ہاکی فیڈریشن کے صدر بریگیڈ (ر) خالد سجاد کھوکھر نے بتایا کہ کم از کم 11 کمپنیوں نے پی ایچ ایف سے رابطہ کیا ہے اور قومی کھیل ہاکی کو اسپانسر کے حوالے سے دلچسپی کا اظہار کیا ہے۔
