‘جوبھی قانون توڑے گا اس کے خلاف کھڑے ہوں گے’

311
عمران خان کو گھربھیجنا عوام کی آواز بن چکی ہے،وزیر اعلیٰ سندھ

وزیراعلیٰ سندھ سید مراد علی شاہ نے کہا ہے کہ اس جماعت سے تعلق ہے جس کے بانی نے ملک کو آئین دیا جو بھی قانون توڑے گا ان کے خلاف کھڑے ہوں گے۔

سکھر بار سے خطاب کرتے ہوئے مراد علی شاہ نے کہا کہ میں اس جماعت سےتعلق رکھتا ہوں جس کےلیڈرنےملک کوآئین دیااس بارسےمحترمہ خطاب کرچکی ہیں،مجھےخطاب کی دعوت اعزاز ہے بلاول بھٹو بھی جلد ہائی کورٹ بار سکھر سے خطاب کریں گے۔

انہوں نے مطالبہ کیا کہ وفاقی حکومت جزائرسے متلعق آرڈیننس فوری واپس لے، جزائر سے متعلق سندھ اسمبلی میں قرارداد منظور ہوئی ہے12 ناٹیکل مائل تک سمندر کے نیچے ذخائر بھی صوبے کے ہیں، 12 ناٹیکل مائل سمندر کے اندر اور باہر ملنے والے ذخائر صوبے کے ہیں۔

وزیراعلیٰ نے کہا کہ جوبھی قانون توڑے گا اس کے خلاف کھڑے ہوں گے، اگر میں بھی قانون توڑوں گا تو میرا خلاف بھی کارروائی ہو گی،ہم پہلے کبھی ڈرے نہ اب ڈریں گے۔