ائیرٹریفک کنٹرول کراچی سے لاہور منتقل کرنے کا فیصلہ

552

کراچی:سول ایوی ایشن اتھارٹی نےائیر ٹریفک کنٹرول کراچی سے لاہور  منتقل کرنے کا فیصلہ کیا ہے، پہلے مرحلے میں26 اکتوبر سے رحیم یار خان، قلات اور کوئٹہ سمیت دیگر شہروں کا ایئر ٹریفک کراچی سے لاہور ایریا کنٹرول کو منتقل کیا جائے گا۔

تفصیلات کے مطابق سول ایوی ایشن اتھارٹی نے ایئر ٹریفک کنٹرول کے لیے نئی منصوبہ بندی کرلی ہے، اور ایئرٹریفک کا کنٹرول کراچی سے لاہور منتقل کرنے کا فیصلہ کیا ہے۔  ذرائع کا کہنا ہے کہ 26 اکتوبر سے رحیم یار خان، قلات اور کوئٹہ، سکھر اور  بہاولپور سمیت دیگر شہروں کا ایئر ٹریفک کراچی سے لاہور ایریا کنٹرول کو منتقل کیا جائے گا۔

 ذرائع کے مطابق اس وقت رحیم یار خان، قلات، کوئٹہ، سکھر اور بہاولپورسے جانے والی فضائی ٹریفک کراچی سے کنٹرول ہورہی ہے، تاہم اب 26 اکتوبر سے کنٹرول منتقل ہونے کے بعد رحیم یار خان، قلات کوئٹہ سے گزرنے والی ایئر ٹریفک کو لاہور سے کنٹرول کیا جائے گا، ڈائریکٹرآپریشنز سی اے اے 26 اکتوبر کو افتتاح کریں گے۔