اسلام آباد: وزیراعظم عمران خان نے کہا ہے کہ قوم کے لیے خوشخبری ہے، بالآخر ہم درست سمت میں چل نکلے ہیں۔
سماجی رابطے کیویب سائٹ ٹوئٹر پر ٹوئٹ کرتے ہوئے وزیر اعظم عمران خان نے لکھا کہ پاکستان کے لیے بڑی خوشخبری آگئی ہے اور بالآخر ہم درست سمت میں چل نکلے ہیں۔
وزیراعظم نے تفصیل سے لکھا کہ ستمبر میں 73 ملین ڈالر کے سرپلس کے ساتھ کرنٹ اکاؤنٹ پہلی سہ ماہی کے لیے 792 ملین ڈالر سرپلس ہوگیا ہے۔
عمران خان نے مزید لکھا کہ گزشتہ برس اسی عرصے کے دوران ایک ہزار 492 ملین ڈالر خسارے کا سامنا تھا تاہم گزشتہ ماہ کے دوران برآمدات 29 فیصد بڑھیں اور ترسیلات زر میں 9 فیصد اضافہ ہوا۔
Great news for Pakistan. We are headed in right direction finally. Current Account was in surplus of $73 mn during Sept, bringing surplus for 1st qtr to $792 mn compared to deficit of $1,492 mn during same time last yr. Exports grew 29% & remittances grew 9% over previous month.
— Imran Khan (@ImranKhanPTI) October 21, 2020
