مدینہ منورہ (صباح نیوز) مدینہ منورہ میں یکم ربیع الاول سے ایس او پیز کے ساتھ روضہ رسولؐ کو زیارت کے لیے کھول دیا گیا ہے۔سعودی عرب کے وزیر برائے اسلامی امور نے کہاہے کہ نمازی کورونا وائرس ایس او پیز کے ساتھ مسجد نبویؐ میں عبادت اور روضہ رسولؐ کی زیادت کر سکیں گے۔ دوسری جانب شاہی ہدایت پر مسجد قبا بھی نمازیوں کے لیے کھول دی گئی ہے۔ مسجد قبا روزانہ فجر سے پہلے کھولی جائے گی اور اسے عشا کے بعد بند کر دیا جائیگا۔ علاوہ ازیں کورونا وائرس ایس اوپیز کے ساتھ زائرین کو حرم میں نماز اور طواف کی اجازت بھی مل گئی ہے۔واضح رہے سعودی عرب نے اتوار سے عمرے کے دوسرے مرحلے کا آغاز کیا ہے جس کے تحت ڈھائی لاکھ مقامی شہریوں کو عمرہ کی اجازت ہو گی۔
