بلوچستان میں پولیو  کے 2نئے کیسز ریکارڈ تعداد 23 ہوگئی

16

کوئٹہ(آن لائن) بلوچستان کے مختلف علاقوں سے پولیو وائرس کے مزید 2 نئے کیسز ریکارڈ ہوئے ہیں جس کے بعد تعداد 23 ہوگئی، محکمہ صحت کے مطابق کوئٹہ کے علاقے چلتن ٹاوَن میں 4 سال کے بچے میں پولیو کی تصدیق ہوئی جبکہ پشین کی تحصیل برشور میں 15 ماہ کے بچے میں پولیو کی تصدیق کی گئی ہے۔
بلوچستان میں رواں سال کے دوران پولیو کیسز کی تعداد23 ہو گئی۔پاکستان میں رواں سال اب تک رپورٹ ہونے والے پولیو کیسز کی تعداد 75 سے زائد ہو گئی جبکہ گزشتہ سال 147 بچوں میں پولیو وائرس کی تصدیق ہوئی تھی۔گزشتہ ماہ انسداد پولیو پروگرام پنجاب کی انچارج سندس ارشاد نے بتایا تھا کہ ماحولیاتی نمونوں میں پولیو وائرس ٹائپ ون کی تصدیق ہوئی ہے۔