ٹک ٹاک کی بحالی کیلیے انتظامیہ کے پی ٹی اے سے مذاکرات

اسلام آباد(آن لائن)پاکستان میں ٹک ٹاک بندش کے بعد انتظامیہ کا موقف سامنے آگیا، انتظامیہ کا کہنا ہے کہ ایپ کی بحالی کیلیے مذاکرات جاری ہیں، پاکستان کے قوانین کی پاسداری کے لیے پی ٹی اے کے ساتھ مل کر کام کررہے ہیں امید ہے پاکستانی ٹک ٹاک
دوبارہ استعمال کرسکیں گے، گزشتہ ایک سال کے دوران مواد کی نگرانی کے لیے سنجیدہ کوششیں کیں۔ مواد
کی بہتر نگرانی کے لیے مقامی زبانوں میں ٹیمیں تشکیل دی ہیں۔ اگر ٹک ٹاک پاکستان میں بحال ہوئی تو ہم مزید وسائل بروئے کار لائیں گے۔ ٹک ٹاک نے صارفین کو تفریح کے ساتھ بزنس کے مواقع دیے۔