ترکی میں عرب امارات کا جاسوس گرفتار

237

ترک سیکورٹی حکام نے متحدہ عرب امارات کے ایک جاسوس کو گرفتار کرلیا

غیر ملکی نیوز ایجنسی رائٹرز کے مطابق ترک ذرائع نے عرب امارات کے ایک جاسوس کو پکڑنے کا دعویٰ کیا ہے۔

متحدہ عرب امارات کے اس جاسوس نے اپنے جرم کا اعتراف کرتے ہوئے کہا ہے کہ جعلی پاسپورٹ کے ذریعے کئی بار ترکی کا سفر کیا اور متحدہ عرب امارات کیلئے جاسوسی کرتا رہا۔

واضح رہے کہ ترک انٹیلی جنس ادارے نے گزشتہ سال بھی متحدہ عرب امارات کیلئے جاسوسی کرنے کے الزام میں 2 افراد کو گرفتار کیا تھا کہ جس میں سے ایک جاسوس سعودی صحافی جمال خاشقچی کے قتل میں بھی ملوث تھا۔