اسٹین وارینکا سینٹ پیٹرزبرگ اوپن ٹینس مینز سنگلز کوارٹر فائنل میں پہنچ گئے

212

ماسکو (جسارت نیوز)سوئٹزلینڈ کے نامور ٹینس ا سٹار اور ایونٹ کے ففتھ سیڈ سٹین وارینکا اور برطانوی ٹینس اسٹار کیمرون نوری سینٹ پیٹرز برگ اوپن ٹینس ٹورنامنٹ مینز سنگلز کوارٹر فائنل میں پہنچ گئے جبکہ فرانس کے رچرڈ گیسکٹ رائونڈ 32 میچ میں شکست کے بعد ایونٹ سے باہر ہوگئے۔ روس کے شہر سینٹ پیٹرز برگ میں اے ٹی پی ایونٹ میں کھیلے گئے مینز سنگلز پری کوارٹرفائنل میچ میں سوئس ٹینس کھلاڑی ا سٹین وارینکا نے میزبان ٹینس اسٹار ایوجنی ڈونسکوئی کو 1-6،6-3اور 3-6سے ہرا کر ایونٹ کے کوارٹر فائنل کے لئے کوالیفائی کرلیا۔ ایک اور میچ میں انگلینڈ کے کیمرون نوری نے حریف سربین کھلاڑی میومیر کیکمانویک کو شکست دیکر ٹاپ ایٹ رائونڈ کھیلنے کا اعزاز حاصل کرلیا۔ انکی فتح کا اسکور 5-7،7-6(7-5)اور 3-6تھا۔رائونڈ 32 کے ایک میچ میں میزبان دفاعی چیمپئن ڈینیئل مدویدوف نے حریف فرانسیسی کھلاڑی رچرڈ گیسکٹ کو شکست دیکر دوسرے رائونڈ کے لیے کوالیفائی کیا۔