ناروے: یہودیوں کے تہوار میں ہٹلر کے پرستاروں کی آمد, یہودی بھڑک اٹھے

319

ناروے کے دارالحکومت اوسلو میں یہودی اپنے مذہبی تہوار یوم کیپور منا رہے تھے جب ہٹلر کے حمایتی جسے نیو نازی کہا جاتا ہے کہ کارکن آگئے اور دن دہاڑے یہودی خلاف اور ہٹلر کی حمایت میں نعرے لگائے۔

غیر ملکی خبررساں ادارے کے مطابق ہٹلر کے نظریے پر عمل پیرا نورڈک مزاحمت تحریک (Nordic resistant movement) کے کارکنان اُس وقت سڑکوں پر نکل آئے جب یہودی اپنے تہوار یوم کیپور منارہے تھے۔

موقع پر موجود ایک یہودی کا کہنا تھا کہ دن دہاڑے اس طرح کا مظاہرہ پریشان کُن اور مشتعل کرنے والا ہے۔ یہودی نے مزید کہا کہ پولیس نے بعد میں آکر ان مظاہرین کو ہٹا دیا تھا۔

واضح رہے کہ یہ تنظیم فن لینڈ میں کالعدم قرار دی جاچکی ہے۔