“پاکستان چوتھے مارشل لا کا متحمل نہیں ہو سکتا”

245

لیگی رہنما احسن اقبال کا کہنا ہے کہ پاکستان چوتھے مارشل لا کامتحمل نہیں ہو سکتا.

مسلم لیگ ن کے رہنما وسابق وزیرداخلہ احسن اقبال نے اپنے ایک بیان میں کہا ہے کہ اب کوئی پارٹی قیادت کو بتائے بغیر عسکری قیادت سے ملاقات نہیں کرے گا جبکہ محمد زبیر کی آرمی چیف سے ذاتی ملاقات تھی.

احسن اقبال نے کہا کہ اگر اپوزیشن نے استعفے دیئے تو وزیر اعظم کا بھی نیا الیکشن ہوگا اور اپوزیشن استعفے دے گی توالیکشن کمیشن انتخابات کروائے گا، لوٹوں کو قبول کرنا عوام کے سیاسی شعور کی توہین ہے، الیکشن میں وفاداریاں تبدیل کرنے والوں کو پارٹی میں نہ لیاجائے جبکہ الیکشن کے سیاسی موسمی پرندوں کی حوصلہ شکنی کرنی ہوگی.

لیگی رہنما کا مزید کہنا تھا کہ پاکستان کو جمہوریت اور قائد اعظم کے راستے پر چلانے سے ہی ترقی کرسکتا ہے اور جس نے بھی مارشل لا کا سوچا وہ ملک کا دشمن ہوگا، پاکستان چوتھے مارشل لا کامتحمل نہیں ہو سکتا، پاکستان کے استحکام اورمضبوطی کا ایک ہی راستہ ہے اوروہ آئین کا راستہ ہے.