ایک روزہ آئی کے اے اوپن کراٹے کوچنگ اینڈ تربیتی کیمپ آج ہوگا

اسلام آباد (جسارت نیوز) اسلام آباد کراٹے ایسوسی ایش( آئی کے اے) اور پی او ایف واہ کے تعاون سے ایک روزہ آئی کے اے اوپن کراٹے کوچنگ اینڈ تربیتی کیمپ آج پی او ایف اسپورٹس کمپلیکس جمنازیم میں ہوگا۔ اسلام آباد کراٹے ایسوسی ایشن کے صدر اعجازالحق نے سرکاری خبر رساں ادارے سے گفتگو کرتے ہوئے بتایا کہ ایونٹ کے تمام انتظامات مکمل کر لئے گئے ہیں اور تربیتی کیمپ میں کراٹے فائیٹ اور کاتا کی ٹرینگ عالمی کراٹے فیڈریشن کے قوانین کے مطابق دی جائے گی۔