لندن:مسلم لیگ ن کے سربراہ نواز شریف نے پارٹی قیادت کوہدایت کی ہے کہ آئین اور فوج کے حلف نامے کی روشنی میں کوئی بھی رہنما کسی فوجی یا حساس ادارے کے نمائندے سے ملاقات نہیں کرے گا۔
سماجی رابطوں کی ویب سائٹ پر نواز شریف نے ٹوئٹ کرتے ہوئے کہاکہ آئینی مجبوریوں کے تحت اگر ملاقات ضروری ہوئی تو پارٹی قیادت کی اجازت سے اعلانیہ ملاقات ہوگی۔
پاسداری یاد کرانےکےلئے آئیندہ ہماری جماعت کا کوئی رکن،انفرادی،جماعتی یا ذاتی سطح پر عسکری اور متعلقہ ایجنسیوں کےنمائندوں سے ملاقات نہیں کرے گا۔قومی دفاع اور آئینی تقاضوں کےلئے ضروری ہوا تو جماعتی قیادت کی منظوری کےساتھ ایسی ہر ملاقات اعلانیہ ہوگی اور اسےخفیہ نہیں رکھا جائے گا۔2/2
— Nawaz Sharif (@NawazSharifMNS) September 24, 2020
خیال رہے کہ گزشتہ روز پاک فوج کے شعبہ تعلقات عامہ (آئی ایس پی آر) کے ڈی جی میجر جنرل بابر افتخار نے ن لیگ قیادت کی آرمی چیف سے ملاقات کی تصدیق کی تھی۔