تھرپارکر میں غربت سے تنگ آکر 7 بچوں کی ماں نے خودکشی کرلی

56

تھرپارکر (اے پی پی) ضلع تھرپارکر کی تحصیل کلوئی کے گائوں جام خان لونڈ میں7 بچوں کی ماں حسینہ زوجہ خیر محمد لونڈ نے غربت اور بھوک سے تنگ آ کر گھر کے اندر گلے میں پھندا ڈال کر خودکشی کرلی۔ اس کے شوہر کا کہنا تھا کہ بارش سے متاثر ہیں اور کئی بار امدادی راشن لینے کے لیے افسران کے پاس گیا مگر راشن نہیں ملا اور 3 دن سے کھانے کے لیے کچھ نہیں ملا‘ میں مزدوری کے لیے نکلا تو ان حالات میں کہیں بھی مزدوری نہیں ملی ۔ پولیس نے قانونی کارروائی کے بعد لاش ورثا کے حوالے کردی۔