اسلام آباد: وفاقی وزیر سائنس و ٹیکنالوجی فواد چوہدری کا کہنا ہے کہ اپوزیشن جماعتوں کا انتخابات میں دھاندلی کا شور صرف میڈیا کے لیے ہے۔
سماجی رابطے کی ویب سائٹ ٹوئٹر پر ٹوئٹ کرتے ہوئے فواد چوہدری نے کہا کہ 2013 کے انتخابات کے بعد دھاندلی کی شکایات 413 پیٹیشنز کے ذریعے کی گئیں، قومی اسمبلی کے 137 حلقوں میں دھاندلی ہوئی۔
وفاقی وزیر نے کہا کہ اس کے برعکس 2018 کے انتخابات میں صرف 90 حلقوں کی پیٹیشنز کی گئیں۔ ان 90 پیٹیشنز میں 45 الیکشن پیٹیشنز تحریک انصاف پاکستان نے فائل کیں، اپوزیشن کا دھاندلی کا شور صرف میڈیا کے لیے ہے۔
2013 کے انتخابات کے بعد دھاندلی کی شکائیت 413 پیٹیشنز کے ذریعے کی گئ، قومی اسمبلی کے 137 حلقوں میں دھاندلی ہوئ، اس کے برعکس 2018 کے انتخابات میں صرف 90 حلقوں کی پیٹیشنز کی گئیں، ان 90 پیٹیشنز میں 45 الیکشن پیٹیشنز PTI نے فائل کیں، اپوزیشن کادھاندلی کا شور صرف میڈیا کیلئے ہے۔
— Ch Fawad Hussain (@fawadchaudhry) September 23, 2020
ایک اور ٹوئٹ میں فواد چوہدری نے گزشتہ روز ضلع باجوڑ میں افغانستان سے سرحد پار فائرنگ میں شہید ہونے والے پاک فوج کے سپاہی کو خراج تحسین پیش کیا۔
فواد چوہدری نے کہا کہ چوبیس سال کے جوان صابر شاہ نے پاک-افغان بارڈر پر ڈیوٹی کے دوران شہادت دی۔ گولیاں سینوں پر روکنے والے یہ جوان ہمارا فخر ہیں۔
وفاقی وزیر نے کہا کہ اس سال 150 سے زیادہ شہادتیں ہو چکی ہیں۔ آزادی کی قدر کریں اس کے پیچھے کتنی ماؤں کے لال، کتنے سہاگ اور کتنے خاندان غموں کا اندوہ سہتے ہیں۔
چوبیس سال کے جوان صابر شاہ نے پاک-افغان بارڈر پر ڈیوٹی کے دوران شہادت دی،گولیاں سینوں پرروکنے والے یہ جوان ہمارافخر ہیں۔اس سال 150 سے زیادہ شہادتیں ہو چکی ہیں آزادی کی قدر کریں اس کے پیچھے کتنی ماؤں کے لال، کتنے سہاگ اور کتنے خاندان غموں کا اندوہ سہتے ہیں https://t.co/8ZAPVqJOhj
— Ch Fawad Hussain (@fawadchaudhry) September 23, 2020
