انگلش پریمئیر لیگ کے معروف فٹبال کلب چیلسی کے مالک رومن ایبرامووچ مشرقی یروشلم میں فلسطینیوں کو ان کی زمینوں سے بےدخل کرنے کیلیے یہودی آبادکاروں کو فنڈنگ فراہم کررہے ہیں ۔
غیر ملکی خبررساں ایجنسی کی تحقیقاتی رپورٹ میں انکشاف ہوا ہے کہ روسی نژاد رومن ایبرامووچ نےیروشلم میں یہودی آباد کار تنظیم ایلاط کو(74ملین پاؤنڈ) یعنی 10 کروڑ ڈالر فراہم کیے ، یہ پیسہ فلسطینیوں کو ان کی زمینوں سے بے دخلی اور یہوی کو ان کی زمینوں پر آباد کرنے پر خرچ کیا گیا۔
یہودی آباد کار تنظیم ایلاط مقبوضہ مشرقی یروشلم میں فلسطینیوں کو ان کی زمینوں سے بے دخل کرنے اور یہودیوں کو آباد کرنے کا کام کرتی ہے۔
This is beyond awful. Roman Abramovich’s links to funding illegal Israeli settlements and the ethnic cleansing of Palestinians from East Jerusalem.
Great journalism by @rosiepelican @uri_blau @simoncoxreports https://t.co/QyUgJ8kmzl
— Nooruddean (@BeardedGenius) September 22, 2020
فٹبال کلب چیلسی کے روسی نژاد ارب پتی رومن ایبرامووچ کو 2018 میں اسرائیلی شہریت دی گئی تھی، وہ اسرائیل میں سماجی کاموں میں بڑھ چڑھ کر حصہ لیتے ہیں اور مختلف سماجی کاموں کیلیے بڑے پیمانے پر فنڈنگ فراہم کرتے ہیں۔
بی بی سی عرب نیوز نے انٹرنیشنل کنسورشیم آف انویسٹی گیٹو جرنلسٹس سے ایک معاہدے کے تحت کچھ اہم ڈاکومنٹس حاصل کیے جس میں ایبرامووچ کی کئی کمپنیوں کا برٹش ورجن آئی لینڈ کا انکشاف ہوا ہے۔
رپورٹ بتایا گیا ہےکہ پچھلے 15 سال سے برطانوی فٹبال ٹیم چیلسی کے مالک رومن ایبرامووچ نے ایلاط کو سب سے زیادہ فنڈنگ فراہم کی۔
یہاں بات قابل ذکر ہے کہ ایلاط کا مطلب ‘خدا پر بھروسہ’ ہے۔
واضح رہے کہ ایلاط مشرقی یروشلم میں سٹی آف ڈیوڈ کی نام نہاد تنظیم بھی چلاتی ہے،جسے دیکھنے کیلیے ہر سال لاکھوں لوگ یروشلم آتے ہیں،سٹی آف ڈیوڈ ایک آثار قدیمہ کی جگہ ہے جہاں یہودی مسلسل کھدائی کررہے ہیں جس پر یورپی یونین سمیت دنیا بھر سے تنقید کی جارہی ہے۔
