آصف زرداری کی بریت کی درخواستیں مسترد، فردجرم عائد کرنے کا حکم

232

احتساب عدالت نے سابق صدر آصف زرداری کی ریفرنسزخارج کرکےبری کرنےکی درخواستیں مسترد کردیں۔

احتساب عدالت کے جج اعظم خان نے محفوظ شدہ فیصلہ سنایا اور سابق صدر کی جانب سے  پارک لین، منی لانڈرنگ اور ٹھٹھہ واٹرسپلائی کے ضمنی ریفرنس خارج کرنے کی استدعا مسترد کردی۔

پارک لین، میگامنی لانڈرنگ، ہریش اینڈ کمپنی ریفرنسزمیں عدالت نے بڑافیصلہ سناتے ہوئے آصف زرداری پرتینوں کرپشن ریفرنسزمیں فردجرم عائد کرنے کا حکم دے دیا۔

عدالت نے قرار دیا کہ  آصف زرداری کو جعلی اکاؤنٹس ریفرنسز میں بری نہیں کیا جاسکتا، ٹرائل جاری رکھا جائے گا۔

عدالت نے ریفرنسز میں آصف زرداری سمیت تمام ملزمان کو 28 ستمبر کو طلب کرلیا۔