ترکی اور عراق کے شہر موصل کے درمیان ریلوے لائن بچھانے کا کام جلد ہی شروع کیا جائے گا جس کے بعد دونوں ممالک کے درمیان ریلوے سروس شروع ہو جائے گی۔
موصل کے گورنر نجم الجبوری نے میڈیا کو بتایا کہ ترک کمپنیوں کے ساتھ ریلوے لائن بچھانے کا معاہدہ طے پا گیا ہے۔ دونوں ملکوں کے درمیان ریلوے کی جدید سروس شروع کی جائے گی۔
ریلوے لائن موصل سے ترکی کی سرحد تک بچھائے جائے گی تاکہ سڑک کے ذریعے آمد و رفت کو کم کیا جا سکے۔
ترکی اور عراق کے درمیان عوام کی آمد و رفت کے لئے فی الحال حبرور ابراہیم خلیل بارڈر گیٹ استعمال کیا جا رہا ہے۔ بارڈر پر رش ہونے کی وجہ سے مسافروں کو بہت زیادہ پریشانی کا سامنا کرنا پڑتا ہے۔
