امریکی جنگلات میں لگی آگ  سے ہلاکتیں 35 ہو گئیں

72

واشنگٹن (انٹرنیشنل ڈیسک) امریکا کی شمال مغربی ریاستوں کے جنگلات میں لگی آگ کی وجہ سے ہلاکتوں کی تعداد 35 ہو گئی ہے۔ خبر رساں اداروں کے مطابق آگ کے باعث ہزاروں گھر، کاروبار اور کئی قصبے تباہ اور لاکھوں ایکڑ پر محیط جنگلات جل کر راکھ ہو چکے ہیں۔ جن ریاستوں میں آگ لگی ہے ان میں کیلی فورنیا، اوریگون اور واشنگٹن شامل ہیں۔ آگ کی وجہ سے سان فرانسسکو، سیاٹل اور پورٹ لینڈ میں آسمان سرخ ہو گیا ہے۔