جرمن عوام کو کوروناوائرس سے زیادہ ٹرمپ کی پالیسیوں سے خوف

228

جرمنی کی نصف سے زائد آبادی کوروناوائرس وبا سے اتنی خوفزدہ نہیں ہے جتنی امریکی صدر ڈونلڈ ٹرمپ کی خارجی پالیسیوں سے خوف زدہ ہے۔ یہ بات جرمنی میں کئیے گئے ایک سالانہ سروے میں سامنے آئی۔

سروے کے مطابق 53 فیصد عوام کیلئے کوروناوائرس سے پیدا ہونے والے خطرے اتنے تشویشناک نہیں جتنی ٹرمپ کی خارجہ پالیسیاں ہیں۔

جرمن کے R+V انشورنس گروپ کے تحت سروے کیا گیا جس میں 1992 سے رہ رہے جرمنوں کی ملکی و عالمی سیاسی حالات سے متعلق فکروں اور خوف کا تجزیہ کیا گیا۔

جرمنی کے اہم سیاسی تجزیہ کار مانفریڈ اسکیمیڈ نے سروے کی تفصیلات سے آگاہ کرتے ہوئے کہا کہ جرمن عوام امریکہ کی چین کے ساتھ بڑھتی ہوئی تجارتی جنگ اور اپنے اتحادیوں کو سیکورٹی کی فراہمی کی عدم یقین دہانی جس میں جرمنی بھی شامل ہے، تشویش کا شکار ہے۔

انہوں نے مزید کہا کہ امریکہ کی انہی خارجہ پالیسیوں کے باعث یورپ اور جرمنی میں اضطرابی کیفیت پائی جاتی ہے۔