چین میں آسٹریلوی خاتون اینکر گرفتار

177

چین میں معروف آسٹریلوی خاتون اینکر کو گرفتار کر لیا گیا۔

بین الاقوامی میڈیا رپورٹس کے مطابق چین نے کہا ہے کہ اس نے ہائی پروفائل آسٹریلوی صحافی کو ‘قومی سلامتی’ کی بنیاد پر حراست میں لیا ہے۔

چینگ لی کی نظر بندی دونوں ممالک کے مابین تعلقات خرابی کے لیے ایک نیا دھچکا ہے اور یہ اقدام ایسے وقت میں اٹھایا گیا ہے جب چین نے اپنے شہریوں کو آسٹریلیا کے سفر کرنے سے خبردار کیا ہے۔

وزارت خارجہ کے ترجمان ژاؤ لیجیان نے کہا کہ “چین کی قومی سلامتی کو خطرے میں ڈالنے والی مجرمانہ سرگرمی” کے شبہے میں یہ “لازمی اقدامات” کیے ہیں۔

حکام کی جانب سے سی جی ٹی این کی اینکر چینگ لی کی گرفتاری کے بعد سے یہ پہلا باضابطہ بیان جاری کیا گیا ہے۔

ترجمان نے کہا کہ”یہ کیس ابھی بھی قانون کے مطابق تفتیش کے مراحل میں ہے” اور ملزمہ کے قانونی حقوق اور مفادات کو مکمل قانونی تحفظ حاصل ہے۔