“ہمیں کورونا ویکسین کی ضرورت ہے”

356

امریکی صدارتی امیدوار جوبائیڈن کا کہنا ہے کہ ہمیں کورونا ویکسین کی ضرورت ہے.

بین الاقوامی میڈیا کے مطابق امریکی صدارتی امیدوار جوبائیڈن نے ٹریڈ یونین کے نمائندوں سے گفتگو کرتے ہوئے کہا ہے کہ ڈونلڈ ٹرمپ  امریکی عوام کی حفاظت کرنے میں ناکام رہے.

جوبائیڈن نے صدر ٹرمپ پر تنقید کرتے ہوئے کہا ہے کہ کورونا سے نمٹنے کیلئے ٹرمپ کے پاس ابھی بھی کوئی منصوبہ بندی نہیں، ڈونلڈ ٹرمپ نے کورونا انتباہ کو نظر انداز کیا.

امریکی صدارتی امیدوار جوبائیڈن کا مزید کہنا تھا کہ ویکسین کے معاملے پر ہمیں سائنسدانوں کی بات کو سننا پڑے گا، ہمیں کورونا ویکسین کی ضرورت ہے،اگر کل مل جائے تو لے لیں گے.