مسئلہ کشمیر: بھارت کو ایک بار پھر ناکامی کا سامنا

294

بھارت مسئلہ کشمیر کو سلامتی کونسل کے ایجنڈے سے ہٹانے کی کوشش میں ناکام ہوگیا۔

میڈیا رپورٹ کے مطابق بھارتی مندوب نے سیکیورٹی کونسل کے ایجنڈے سے مسئلہ کشمیر کونکالنے کا مطالبہ کیا اور کہا کہ سلامتی کونسل کے ایجنڈے سے بعض پرانے ایجنڈا آئٹم مستقل ہٹائے جائیں۔

ذرائع کے مطابق مسئلہ کشمیر کو سلامتی کونسل کے ایجنڈے سے یکطرفہ طور پرنہیں ہٹایا جاسکتا، سلامتی کونسل کے ایجنڈے میں تبدیلی 15 رکنی کونسل کے متفقہ فیصلے سےممکن ہے۔

ذرائع نے یہ بھی کہا کہ بھارت مسئلہ کشمیر کو سلامتی کونسل کے ایجنڈے سے ہٹانے میں مسلسل ناکام ہورہا ہے، ایجنڈا آئٹم صرف تنازعہ کے فریقین کے درمیان طے ہونے کے بعد ہٹایا جاسکتا ہے۔