بنگلا دیش کے دارالحکومت ڈھاکا کے ضلع نارائن گنج میں جمعہ کی شب نماز عشاء کے دوران مسجد میں دھماکے کے نتیجے میں 12 افراد شہید ہوگئے جبکہ 25 سے زائد زخمی ہیں۔
بنگلادیشی میڈیا کے مطابق ڈھاکا کے ضلع بیت السلام مسجد میں جمعہ کی شب نماز عشاء کے دوران مسجد میں دھماکے سے 12 افراد شہید جبکہ 25 سےزائدافراد زخمی ہیں، دھماکے کے باعث زخمیوں کو فوری طبی امدادی کیلیے اسپتال منتقل کردیا گیا ہے۔
بنگلا پولیس کا کہنا ہے کہ دھماکے کی تحقیقات کا آغاز کردیا ہے،حتمی طور پر دھماکے کی وجوہات کا پتہ نہیں چل سکا ہے تاہم ابتدائی اطلاعات کے مطابق ائیر کنڈیشن کی گیس لیکیج کے باعث دھماکا ہوا ہے۔
ڈاکٹرز کا کہنا ہے کہ دھماکےکے نتیجے میں شہید اور زخمی ہونے والوں کے جسم کے اعضاء 30 سے 70 فیصد تک جھلس چکے ہیں، جنہیں فوری طبی امدار فراہم کی جارہی ہے۔
دوسری جانب مسجد کے ایک عہدیدار نے کہا ہے کہ حال ہی میں گیس لیکیج کی حوالے سے مسجد انتظامیہ شکایت درج کرواچکی ہے۔