الیکشن کمشنر سندھ کو عہدے سے ہٹا دیا گیا

259

کراچی(اسٹاف رپورٹر)الیکشن کمیشن میں بڑی تبدیلی،صوبائی الیکشن کمشنر سندھ جاوید آفریدی کو عہدے سے ہٹا دیا ہے۔ضلعی الیکشن کمشنر جام شورو کو سجاول اور سجاول کے الیکشن کمشنر کو جام شورو تعینات کیا گیا ہے۔

تفصیلات کے مطابق صوبائی الیکشن کمشنر سندھ جاوید آفریدی اور جوائنٹ الیکشن سندھ محمد فرید آفریدی کو بھی عہدے سے ہٹا دیا گیا ہے۔

عہدے سے ہٹائے گئے دونوں افسران کو الیکشن کمیشن آف پاکستان سیکریٹریٹ رپورٹ کرنے کی ہدایت کی گئی ہے۔اعجاز انور چوہان نئے الیکشن کمشنر سندھ تعینات کیے گئے ہیں۔اعجاز انور چوہان ایڈیشنل ڈائریکٹر جنرل لوکل گورنمنٹ تھے۔

الیکشن کمیشن کی جانب سے ایک جانب حلقہ بندیوں کا شیڈول جاری کیا گیا تو دوسری جانب سندھ میں بڑی عہدوں پر تبدیلی کی گئی ہے۔ذرائع کا کہنا ہے کہ چیف الیکشن کمشنر کی ہدایت پر سندھ کے افسران کی تبدیلی عمل میں لائی گئی ہے۔