“عرب لیگ کے 22 ممالک 100 فیصد اسرائیل تسلیم کریں گے”

وائٹ ہاؤس کے سنیئر ایڈ وائزر اور ڈونلڈٹرمپ کے مشیر خاص جیرڈ کشنر نے کہا ہے کہ ‘عرب لیگ میں شامل 22 مشرق وسطیٰ کے ممالک متحدہ عرب امارات کے بعد 100 فیصد اسرائیل کو تسلیم کریں گے’۔

عرب امارات کی نیوز ایجنسی کو انٹرویو دیتے ہوئے جیرڈ کشنرنے کہا کہ’ہمیں یقین ہے کہ عرب لیگ میں شامل 22 مسلم ممالک 100 فیصد اسرائیل کو تسلیم کریں گے کیونکہ یہ ایک سود مند فیصلہ ہوگا’۔

انہوں نےکہا کہ  میں میں سمجھتا ہوں کہ متحدہ عرب امارات کی قیادت کی بدولت ایک بہت بڑا اتحاد ثابت ہوگا، یو اے ای کے بعد خطے کے دیگر ممالک  بھی اسرائیل کو تسلیم کریں گے کیونکہ انہیں خدشہ ہے کہ وہ تنہا رہ جائیں گے۔

جیرڈ کشنر نے پیشگوئی  کرتے ہوئے کہا کہ کچھ مہینوں میں اور سالوں کے دوران دیگر ممالک کے تعلقات باحال ہونے کا ذکر کیا البتہ کسی بھی ملک کا نام ظاہر نہیں کیا۔

کشنر نے مزید کہا کہ اسرائیل کے عرب امارات کے تعلقات دیکھ کر کچھ ممالک حسد کا شکار ہیں، ہم کسی ملک کے مسائل بات چیت کے بغیر حل نہیں کرسکتے ، اگر دیگر ممالک تعلقات کو معمول پر لانے اور لوگوں سےعوام اور کاروباری تبادلے کی اجازت سے ہی مشرق وسطی کو مضبوط اورمستحکم مقام ملےگا۔

یاد رہے اس سے قبل کشنر عمان، بحرین، مراکش اور سعودی عرب کے اسرائیل سے تعلقات قائم کرنے کا اعلان کرچکے ہیں۔

اسرائیلی طیارہ متحدہ عرب امارات پہنچ گیا

ابوظہبی: اسرائیل کا پہلا مسافر طیارہ تاریخ میں پہلی متحدہ عرب امارات کی حدود میں پہنچ گیا۔

امریکا اور اسرائیل کے مابین سفارتی تعلقات بحال ہونے کے بعد یہ پہلا موقع ہے جب اسرائیل کا مسافر طیارہ سعودی فضائی حدود استعمال کرتے ہوئے عرب امارات پہنچا۔

اس موقع پر اسرائیلی طیارے کا یو اے ای پہنچنے پر پُرتپاک استقبال کیا گیا۔

اسرائیل کی پہلی پرواز ‘ایل ال فلائٹ 971’ تل ابیب سے تین گھنٹے میں یو اے ای پہنچی۔

اسرائیلی مسافر فلائٹ میں امریکی نیشنل سیکیورٹی کے ایڈوائزر رابرٹ او برائن بھی خصوصی طور پر اسی طیارے میں یو اے ای پہنچے ہیں۔

یاد رہے کہ اگر سعودی عرب کی جانب سے اسرائیلی طیارے کو فجائی حدود استعمال کرنے کی اجازت نہیں دی جاتی تو سفر کا دورانیہ 7 گھنٹے سے طویل ہوسکتا تھا۔

اسرائیلی طیارہ پہلی بار سعودی حدود میں داخل

ابوظہبی: متحدہ عرب امارات اور اسرائیل کے مابین نام نہادامن معاہدے کے بعد پہلی بار اسرائیلی طیارہ سعودی حدود میں داخل ہوگیا۔

غیر ملکی میڈیا کے مطابق اسرائیلی طیارے نے ابوظہبی پہنچنے کیلیے سعودی عرب کی فضائی حدود کا استعمال کیا۔

یاد رہے یہ پہلا موقع ہے جب اسرائیل کی کسی بھی براہ راست فلائٹ نے سعودی فضائی حدود استعمال کی۔

اس سے قبل سعودی عرب نے بھارتی ائیر لائن کو اسرائیل کیلیے اپنی فضائی حدود استعمال کرنے کی اجازت دی تھی تاہم اسرائیلی پروازوں کو طویل بحیرہ احمر کے راستے سفرطے کرنا پڑتا تھا۔

تل ابیب سے دبئی براہ راست پروازیں چلانے کا فیصلہ

متحدہ عرب امارات اور اسرائیل کے مابین ‘ابراہم معاہدہ ‘طے پانے کے بعد دبئی اور تل ابیب کے درمیان براہ راست پروازیں چلانے کی تیاری شروع کردی گئی۔

امارات اور اسرائیل کے درمیان امن معاہدے کے بعد مواصلاتی تعلقات بحال ہونے کے بعد ایک اور بڑی پیش رفت ہوئی ہے جس میں اسرائیلی وزیراعظم نےدبئی کے لیے براہ راست پروازیں شروع کرنے کا اعلان کردیا ہے۔

اسرائیلی وزیراعظم نیتن  یاہو  کا کہنا ہے کہ تل ابیب اور دبئی کے درمیان براہ راست پروازیں براستہ سعودی عرب شروع کرنے کے منصوبے پر کام جاری ہے جبکہ دونوں ممالک کےٹیکنا لوجی  میں  بھی بڑے پیمانے پر سرمایہ کاری  میں دلچسپی رکھتے ہیں جو ہماری معیشت کو فروغ دے گی ۔

اس سے قبل اماراتی اپیکس نیشنل انویسٹمنٹ کمپنی نے ٹیسٹنگ ڈیوائس سمیت کورونا وائرس سے متعلق تحقیق اور ترقی پر تعاون کے لیے اسرائیل کی13 گروپ کے ساتھ اسٹریٹجک تجارتی معاہدے پر دستخط کردیے ہیں ۔

دوسری جانب برطانوی میڈیا نےنے دعویٰ کیا ہے کہ امارات اور اسرائیل کے درمیان سفارتی تعلقات معمول پرآنے سے خلیج عرب ملک کیلئے امریکی ہتھیاروں کی مزید فروخت کی راہ ہموار ہوسکتی ہے۔

اسرائیل امارات معاہدہ، فون اور ویب سائٹس سروس بحال

اسرائیل سے تعلقات کے لیے امریکا کسی ملک پر دباؤ نہیں ڈال رہا