ملک کے بیشتر شہروں میں گرج چمک کے ساتھ بارش ہوسکتی ہے، محکمہ موسمیات

محکمہ موسمیات کا کہنا ہے کہ کراچی سمیت بیشتر شہروں میں گرج چمک کے ساتھ بارش کا امکان ہے۔

محکمہ موسمیات کے مطابق کراچی میں آئندہ 24 گھنٹوں کے دوران ہلکی بوندا باندی کا امکان ہے تاہم کراچی کا موجودہ درجہ حرارت 28  سینٹی گریڈ ریکارڈ کیا گیا ہے۔

ڈائریکٹر محکمہ موسمیتات عبدالقیوم بھٹو نے کہا کہ ہوا کی رفتار کو 10 کلو میٹر فی گھنٹہ ریکارڈ کیا گیا ہے، کراچی میں زیادہ سے زیادہ درجہ حرارت 32 سے 34 سینٹی گریڈ تک رہنے کا امکان ہے۔

محکمہ موسمیات کا مزید کہنا ہے کہ ملک کے بیشتر شہروں میں گرج چمک کےساتھ بارش کا امکان بھی ہے۔