متحدہ عرب امارات کے ساتھ تعلقات بحال ہونے کے بعد کے اسرائیل کی پہلی تجارتی پرواز آج یواے ای روانہ ہوگی۔
اسرائیل اخبار ٹائمز آف اسرائیل اور اسرائیلی ائیر لائن پائلٹ ایسوسی ایشن کے مطابق متحدہ عرب امارات کیلیے اڑنے والی فلائٹ پراہ راست یو اے ای کیلیے متوقع طور پر سعودی عرب کی فضائی حدود استعمال کرے گی، پرواز اسرائیلی وقت کے مطابق صبح 10:30 بجے روانہ ہوگی جبکہ عرب امارات کیلیے 3:05 پر پہنچے گی۔
اسرائیلی ائیر لائن پائلٹ ایسوسی ایشن کی جانب سے گزشتہ روز جاری کیے گئے فلائٹ ‘ایل ال فلائٹ 971’ کے روٹ میں سعودی فضائی حدود کو استعمال کرنے کا نقشہ جاری کیا گیا ہے جبکہ سعودی حکام کی جانب سے اب تک اس بات کی تصدیق یا تردید نہیں کی گئی ہے۔
یاد رہے کہ اسرائیل کی براہ راست متحدہ عرب امارات کیلیے پہلی تجارتی پرواز (آج) پیر کی صبح ‘ایل ال فلائٹ 971’ پیر کی صبح ڈیوڈ بین گریون ائیر پورٹ سے روانہ ہوگی۔
זה הנתיב שתוכנן (עדיין לא סופי ולמיטב ידיעתנו עדיין לא אושר ע״י הסעודים) לטובת הטיסה הישירה מחר לאבו דהבי מעל סעודיה. אות הקריאה של הטיסה ELY9971. זמן הטיסה המתוכנן 3:13 שע׳. תכנון המשקל בוצע לפי בערך 100 נוסעים (PayLoad 10000). הנתיב עובר ממש קרוב לשדה הבינלאומי בריאד OERY pic.twitter.com/y73qARcGgl
— איגוד הטייסים הישראלי (@igudhatayasim) August 30, 2020
دوسری جانب اسرائیلی ائیر لائن پائلٹ ایسوسی ایشن نے اس بات کا انکشاف کیا ہے کہ یہ روٹ حتمی نہیں ہے کیونکہ سعودی عرب کی جانب سے اب تک فضائی حدود استعمال کرنے کی منظوری نہیں دی گئی ہے۔
اسرائیل کی ایل ال فلائٹ 971 میں امریکا اور اسرائیل کے تجارتی وفود شامل ہیں۔
اس سے قبل سعودی عرب نے بھارتی ائیر لائن کو اسرائیل کیلیے اپنی فضائی حدود استعمال کرنے کی اجازت دی تھی تاہم اسرائیلی پروازوں کو طویل بحیرہ احمر کے راستے سفرطے کرنا پڑتا تھا۔
