فرقہ واریت پھیلانے والوں سے سختی سے نمٹوں گا، وزیراعظم

224

اسلام آباد: وزیراعظم عمران خان کا کہنا ہے کہ فرقہ واریت پھیلانے والے شرپسندوں کے گروہ سے اب میں نہایت سختی سے نمٹوں گا۔

سماجی رابطے کی ویب سائٹ ٹوئٹر پر وزیراعظم عمران خان نے اپنے پیغام میں کہا ہے کہ یومِ عاشور کے موقع پر ملک میں امن و  احترام ملحوظِ خاطر رکھنے پر میں اپنی پوری قوم کا مشکور ہوں۔

وزیراعظم نے کہا کہ بدقسمتی سے اس دوران ایسے فتنہ گر عناصر کی شرانگیزیاں میرے علم میں لائی گئیں جنہوں نےاس موقع پر فرقہ واریت کی آگ بھڑکانے کی کوشش کی۔