متحدہ عرب امارات کے صدر مقام ابوظہبی میں گیس دھماکے کے نتیجے میں متعدد افراد زخمی ہوگئے۔
گلف نیوز کے مطابق دھماکا ایئرپورٹ روڈ شارع راشد بن سعید پر واقع ریسٹورنٹ میں ہوا، دھماکے کی آواز دور دور تک سنائی دی گئی۔
دھماکے کے نتیجے میں متعدد افراد زخمی ہوئے جنہیں اسپتال منتقل کر دیا گیا ہے جب کہ ریسٹونٹ تباہ ہوگیا، رہائشی عمارت میں موجود مکینوں کو فوری طور پر بحفاظت نکال لیا گیا۔
اطلاع ملنے پر ریسکیو ٹیمیں اور پولیس کی نفری موقع پر پہنچ گئی اور امداد کارروائیوں کا آغاز کر دیا۔ابوظہبی پولیس کا کہنا ہے کہ زخمیوں کو اسپتال منتقل کردیا گیا ہے جہاں انہیں ہنگامی طبی امداد دی جارہی ہے۔