ڈائریکٹر محکمہ موسمیات کا کہنا ہے کہ کراچی میں آج درمیانے درجے کی مون سون بارش متوقع ہے، 15 سے 25 ملی میٹر کے درمیان بارش ہوسکتی ہے۔
ڈائریکٹر سردار سرفراز نے کہا کہ آج شام یا رات سے درمیانے درجے کی بارش کا آغاز ہوسکتا ہے جب کہ پیر اور منگل کو اس میں شدت آنے کا امکان ہے۔
محکمہ موسمیات کے مطابق کچھ علاقوں میں ہلکی اور کچھ میں موسلا دھار بارش کا امکان ہے۔ شہر کے کچھ حصوں میں 100 ملی میٹر سے زائد بارش ہوسکتی ہے جس سے اربن فلڈنگ کا خطرہ بڑھ جائے گا۔
محکمہ موسمیات کا کہنا ہے کہ مون سون بارشوں کا یہ سلسلہ بدھ تک جاری رہنے کا امکان ہے۔ جب کہ بارش برسانے والا چھٹا سسٹم سندھ کے مشرق میں موجود ہے۔