فواد عالم کو ڈراپ کرنے کا مشورہ

280

گیارہ سال بعد ٹیسٹ کرکٹ میں واپسی پر ناکام لوٹنے والے فواد عالم کو ایک بار پھر ٹیم سے ڈراپ کرنے کا مشورہ دے دیا گیا۔

انگلینڈ کے سابق نامور کرکٹر مائیکل وان نے انٹرویو میں قومی ٹیم کو مشورہ دیا کہ وہ تیسرے ٹیسٹ کے لیے فواد عالم کو ڈراپ کر دے۔

انہوں نے تجویز پیش کی کہ فواد عالم کی جگہ آل راؤنڈر شاداب خان کو شامل کیا جائے جس سے اسپن آپشن میں اضافہ ہوگا جو ٹیم کے لیے بہتر ہے۔

ان کا کہنا تھا کہ تیسرے ٹیسٹ کے لیے گرین کیپس کو ایک تبدیلی کرنی چاہیے، فواد کی جگہ شاداب کو شامل کرنا چاہیے کیونکہ ساؤتھمپٹن کی پچ پر گیند زیادہ اسپن ہوئی تھی اور صورتحال میں اضافی اسپنر کارگر ثابت ہو سکتا ہے۔

وان نے کہا کہ میرے خیال میں تیسرے ٹیسٹ کے لیے وقت کی کمی کے باعث نئی پچ تیار نہیں کی جائے گی اور وہی مچ استعمال ہوگی جو دوسرے میچ میں ہوئی تھی، اس پچ پر اسپنر کو زیادہ مدد ملی تھی۔